كلّ ما حلّ المسا

( كلّ ما حلّ المسا )

كلّ ما حلّ المسا ... شفْت عينك في السما /// يالغلا قلبي انزوى ... بعْدك العالم سوى

لو تشوف الشوق لك ... تعرف انّ الكون لك /// لو تشوف العشْق لك ... ما تشوفه في المدى

كلّي اشواق و حزن ... كلّك احساس و فرح /// كلّي جْروح و مرض ... كلّك ضْماد و دوى

يالهوى بُعْدك تعب ... يالغلا بُعْدك عطش /// يالهوى قربك نهر ... يروي اللي قد ضمى

ردّ لي عمْرٍ مضى ... بين عشقك والهوى /// صير لي شمعة أمل ... بين حزني والأسى

أيْه حبّك قد فعل ... فيني اللي ما انفعل /// شوف قلبي بالوفى ... يعْلن انّك في الحشى

أنْت وحدك في الحبر ... تملي الشاعر شعر /// وأنْت وحدك في الفكر ... تملي العاشق هوى

وسلامتكم ..

أخوكم همس وتناااهيد