حفــر قبري بهمسآته وجآني حآمل اكفآني

بكيته وأرتجف حسّي..وضاق الكون بأعياني
بعد ماصرّح إحساسه ....بأنه ناوي ٍ يرحل ..!

بِكَاني حظّي العاثر .. وهمي زود بكّاني
ياكيف آعيش من بَعده .. ودونه فرحتي تخجل ..!

جمع جيش الحزن واقبل .. بيدّه دمّر أركاني
طعن فيني وليد الفرح .. وأقفى دون مايسأل ..!

على شانه نسيت الناس .. ابد ماهو على شاني
وقدمتـه على غيره .. وخليت البشر تعـذل ..!

نسى كل شئ سويته .. وصبري عنه لاجاني
يحاكيني عن جراحه .. وعن صد البشر لا أقبل ..!تنفست الأمل منه .. وطيفه وسط أجفاني
وأثاري أكسجينة " سم " سرى بروحي وأنـا أجهل ..!

وناوي يهجر قليبي .. يزيد الجرح من ثاني
يعاندني يحسب إني .. مثل أوّل أنا ماأزعل ..!

حفر قبري بهمساته .. وجاني حامل أكفاني

يبيني أدفن إحساسي .. وأرضى بغيبته وأجفل ..!

كتبت فبيتي السابع .. كلامٍ عنّه ماأرضاني
كتبت إنه مايعنيني .. ودونه دنيتي أجمل ..!

مع إنة بالخفا ساكن .. مابين عروق شرياني
ويأمرني على كيفه .. وشوره دايم الأعقل ..!

ولكنه قبل يبعد .. على بابي تحرّاني
بيّدة دفترٍ أحمر .. وحاله جداً مبهذل ..!

وسلمني كتاباته .. بنظرة عينه أحياني
تناسيت الألم لحظة .. وهمت بحالة المهمل ..!

وودع بعدها قليبي .. ونزلت دمعه من عيناي
بعد ماصرّح بكلمه .. ضروري " أبتعد " وأرحل ..!